आइतबार सुनको मूल्य सामान्य बढ्यो

काठमाडौँ, असार २७ । साताको पहिलो कारोबार दिन सुनको मूल्य सामान्य बढेको छ । आइतबारको कारोबारमा स्थानीय बजारमा सुनको ६ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ८८ हजार रुपैयाँ पुगेको छ । गत शुक्रबार भने एक तोला सुनको मूल्य २ लाख ८७ हजार ४ सय कायम थियो ।

यस्तै आज १० ग्राम सुनको भाउ २ लाख ४६ हजार ९५० रुपैयाँ पुगेको छ ।

सुन बढेपनि चाँदीको भाउ भने आज घटेको छ । चाँदी ३५ रुपैयाँले घट्दै प्रतितोला ४ हजार ४७५ रुपैयाँमा सीमित बनेको छ ।