युद्धविरामको बावजुद लेबनानमा इजरायली आक्रमण जारी

इजरायली सेनाले अप्रिल-१६ देखि सुरु भएको युद्धविराम उल्लङ्घन गर्दै मङ्गलबार पनि दक्षिणी लेबनानमा आक्रमण जारी राखेको छ।

लेबनानको राष्ट्रिय समाचार एजेन्सीले इजरायली लडाकु विमानहरूले नबातीह जिल्लाको जाव्तार अल-शार्कियाह सहरमा तीन वटा हवाई आक्रमण गरेको जनाएको छ। यसैबीच दक्षिणी लेबनानको बिन्ट जेबिल जिल्लाको ह्यारिस सहरमा इजरायली हवाई आक्रमण गरे पछि धेरै मानिसहरू बेपत्ता भएको जनाइएको छ।

इजरायली लडाकु विमानहरूले टायर जिल्लाको जबल अल-बटुम सहरमा आक्रमण गरेको तथा बिन्ट जेबिलमा भारी मेसिनगनहरू प्रहार गरेको जनाइएको छ। लेबनानको स्वास्थ्य मन्त्रालयले दक्षिणी लेबनानमा इजरायली हवाई आक्रमणमा चार जनाको मृत्यु हुनुका साथै ५१ जना घाइते भएको घोषणा गरेको छ।

दक्षिणी लेबनानमा आक्रमण जारी राखेर, इजरायली इकाईले अप्रिल-१६ मा लागु भएको १० दिने युद्धविरामको उल्लङ्घन गरिरहेको छ।