चलचित्र ‘लालीबजार’  प्रदर्शनको बाटो खुल्यो, अदालतले दिएन अन्तरिम आदेश

नेपाली चलचित्र ‘लालीबजार’ प्रदर्शनको बाटो खुलेको छ ।  बुधबार उच्च अदालत पाटनका न्यायाधीश खडानन्द तिवारी र नेत्रप्रकाश आचार्यको संयुक्त इजलासले अल्पकालीन अन्तरिम आदेशलाई निरन्तरता दिइरहनु पर्ने अवस्था नदेखिएको भन्दै चलचित्र प्रदर्शनको बाटो खुला गरिदिएको हो । चलचित्रको प्रदर्शन रोक्न माग गर्दै रोशनी नेपाली वादीले रिट दायर गरेकी थिइन् । निवेदनउपर सुनुवाइ गर्दै उच्च अदालत पाटनले अन्तरिम आदेश जारी नहुने बताएको हो । यसअघि यही वैशाख १५ गते अदालतले चलचित्रको प्रदर्शन रोक्न अल्पकालीन अन्तरिम आदेश दिएको थियो ।...