नेपाली दम्पतीको दर्दनाक कथा: फेसबुकबाट चिनजानदेखि मानव तस्करीको जालोसम्म

नेपालबाट दैनिक दुई हजार बढी सर्वसाधरण वैदेशिक रोजगारीका लागि विदेशिने क्रम जारी रहेकै बेला रोजगारीका नाममा हुने मानव तस्करीका घटनाले गम्भीर रूप लिन थालेका छन् । सामाजिक सञ्जालमार्फत शुरू भएको सामान्य चिनजान कसरी मानव बेचबिखन, आर्थिक ठगी, मानसिक यातना र बन्धक अवस्थासम्म पुग्न सक्छ भन्ने एउटा घटनाले अहिले फेरि प्रश्न उठाएको छ । पीडितको जाहेरी अनुसार उनी बहराइनमा काम गरिरहेका बेला फेसबुकमार्फत सीता थापा नाम गरेकी महिलासँग चिनजान भएको थियो । शुरूमा सामान्य कुराकानी भए नि पछि ती महिलाले भारतमा राम्रो तलबको क...