काठमाडौं महानगरको प्रमुख प्रशासकीय अधिकृतमा मुक्तिराम अर्याल

काठमाडौं महानगरपालिकाको नयाँ प्रमुख प्रशासकीय अधिकृतमा मुक्तिराम अर्याललाई खटाएको छ।

मन्त्रिपरिषद्को बुधबार बसेको बैठकले पोखरा महानगरपालिकामा कार्यरत अर्याललाई काठमाडौं महानगरपालिकामा सरुवा गर्ने निर्णय गरेको हो।

काठमाडौं महानगरपालिकाका प्रमुख प्रशासकीय अधिकृत सरोजप्रसाद गुरागाईं अनिवार्य अवकाशमा गएपछि रिक्त रहेको जिम्मेवारीमा अर्याललाई पठाइएको हो। गुरागाईंले ५८ वर्षे उमेर हद पूरा गरेपछि सेवा निवृत्त भएका थिए।