ट्रम्पका घनिष्ठ सहयोगी सिनेटर ग्राहमको निधन

अमेरिकी सिनेटर लिन्डसे ग्राहमको निधन भएको छ। उनको कार्यालयले सामाजिक सञ्जालमार्फत एक विज्ञप्ति जारी गर्दै स्थानीय समय अनुसार शनिबार साँझ 'छोटो र अचानक बिरामी परेर' उनको निधन भएको जानकारी दिएको हो। उनको निधन के कारणले भयो भन्नेबारे थप विवरण भने सार्वजनिक गरिएको छैन।

७१ वर्षीय ग्राहम दक्षिण क्यारोलिनाका प्रभावशाली रिपब्लिकन नेता थिए। उनी सन् २००२ मा पहिलोपटक अमेरिकी सिनेटमा निर्वाचित भएका थिए। उनी राष्ट्रपति डोनाल्ड ट्रम्पका निकै घनिष्ठ सहयोगीका रूपमा चिनिन्थे।

हालैका दिनमा अमेरिकी राजनीतिमा यस्ता घटना दोहोरिएका छन्। न्यु जर्सीका रिपब्लिकन प्रतिनिधि टम किन जुनियर महिनौँसम्म अनुपस्थित रहेपछि मात्र कांग्रेसमा फर्किएका थिए र आफूलाई डिप्रेसन भएको खुलासा गरेका थिए। त्यस्तै, केन्टकीका रिपब्लिकन सिनेटर मिच म्याककोनेल पनि केही हप्ताअघि अज्ञात स्वास्थ्य समस्याका कारण अस्पताल भर्ना भएका थिए।

७१ वर्षीय ग्राहम दक्षिण क्यारोलिनाका प्रभावशाली रिपब्लिकन नेता थिए। उनी सन् २००२ मा पहिलोपटक अमेरिकी सिनेटमा निर्वाचित भएका थिए। आफ्नो कट्टर विदेश नीतिको अडानका लागि परिचित ग्राहमले सन् २०१६ को राष्ट्रपतीय अभियानमा पार्टीको मनोनयनका लागि दावेदारी प्रस्तुत गरेका थिए। सुरुमा डोनाल्ड ट्रम्पका मुखर आलोचक रहे पनि पछि उनी ट्रम्पका निकै घनिष्ठ सहयोगी बने।

उनी ट्रम्पसँग बारम्बार कुरा गर्थे र नियमित रूपमा गल्फ खेल्न पनि सँगै जान्थे। ग्राहमले विशेष गरी इरान र रूस जस्ता विदेश नीति मामिलामा ट्रम्पलाई सल्लाह दिन्थे। निधन हुनुभन्दा अघिल्लो दिन शुक्रबार (स्थानीय समय) मात्र उनले ट्रम्प प्रशासनसँग मिलेर रूसमाथि नयाँ प्रतिबन्ध लगाउने सम्झौताको घोषणा गरेका थिए।

सन् १९९० को दशकमा अमेरिकी सदनको सदस्य रहँदा उनले देशलाई अलग्याउने तथा आणविक र क्षेप्यास्त्र कार्यक्रमहरू सीमित गर्ने खालका नीतिहरूको समर्थन गरेका थिए। एजेन्सी