बुधबार र बिहीबार तीव्रगतिको हावाहुरी चल्ने पूर्वानुमान, जोखिम कता ?

मौसमविद्ले बुधबार र बिहीबार साँझ देशका विभिन्न जिल्लामा तीव्रगतिको हावाहुरी चल्ने पूर्वानुमान गरेका छन्।

बुधबार साँझ पौने ६ बजेतिर सुदूरपश्चिम प्रदेशका डडेलधुरा र डोटीसहित आसपासका जिल्ला, लुम्बिनी प्रदेशका बर्दिया, बाँके, दाङ र अर्घाखाँचीसहित आसपासका जिल्ला, मधेश प्रदेशका धनुषा र बारासहित आसपासका जिल्ला तथा कोशी प्रदेशको मोरङसहित आसपासका जिल्लामा तीव्रगतिको हावाहुरी चल्ने सम्भावना रहेको जल तथा मौसम विज्ञान विभागले जनाएको छ। विभागका अनुसार बुधबार साँझ पौने ६ बजेदेखि बिहीबार साँझ पौने ८ बजेसम्म यो प्रणाली सक्रिय रहने देखिएको छ।

मेघगर्जन, चट्याङ्ग, हावाहुरी र असिनासहित पानी पार्ने प्रणाली पश्चिमदेखि क्रमशः पूर्वतीर सर्दै जाने देखिएकाले देशका धेरै ठाउँमा यसको प्रभाव रहने विभागले जनाएको छ। हावाहुरीसहित पानी पर्ने भएकाले आवश्यक सतर्कता हपनाउन विभागले अनुरोध गरेको छ।