‘कर्भ इभीले नेपाली सडकमा आधिपत्य जमाउने अपेक्षा छ’

सवारी साधन उत्पादक कम्पनी टाटाले पछिल्लो समय विद्युतीय सवारी उत्पादनलाई प्राथमिकतामा राखेको छ। विद्युतीय सवारी साधनको माग नेपालमा ह्वात्तै बढेको छ। नेपाली बजारमा इभी गाडी प्रयोगको अवस्था, विद्युतीय सवारीको बजार, टाटा इभीको बिक्रीपछिको सेवा लगायतका विषयमा नागरिकसँग टाटा प्यासेन्जर इलेक्ट्रिक मोबिलिटी लिमिटेडका प्रमुख अन्तर्राष्ट्रिय व्यापार प्रमुख यश खण्डेवालसँग गरिएको कुराकानीको सम्पादित अंशः

निजी क्षेत्रमा विद्युतीय गाडी (इभी) बजारको वृद्धिलाई तपाईं कसरी हेर्नहुन्छ र यसमा टाटा इभीकोे स्थिति कस्तो छ?
विगत केही वर्षमा व्यक्तिगत प्रयोजनमा इभी गाडीको प्रयोगको दर तीव्र भएको छ। सन् २०२१–२२ मा नेपाली बजारमा इभी गाडीको प्रवेश १४ प्रतिशत रहेकोमा, अहिले यो बढेर ८० प्रतिशतभन्दा बढी भैसकेको छ। यो वृद्धिका लागि कैयन कारण जिम्मेवार छन्। यीमध्ये सरकारद्वारा कर र अन्य शुल्कमा अनुकूल दरको व्यवस्था, समग्रमा वातावरणीय जागरूकता बढ्नु र र इभी गाडीका लागि हरित लगानीको उपलब्धता हुनु प्रमुख हुन्।

यसैगरी सञ्चालन लागत, समग्र इभी इकोसिस्टमको विकास तथा इभी गाडीको आपूर्तिमा बढ्दो प्रतिस्पर्धा अन्य कारण हुन्।
माथि उल्लेख भएझैं, बजारमा समग्र इभी इकोसिस्टमको विकास भएसँगै नेपाली बजारमा इभी गाडीप्रतिको आकर्षण बढेको हो। सन् २०२१ मा नेपाली बजारमा उत्कृष्ट इभी गाडीसहित हामी बजारमा प्रवेश गरेका हौं। हामीले गाडी मात्र भित्र्याएका छैनौं, यसका लागि इकोसिस्टम निर्माण गरेका छौं। गाडीको संख्यामा आएको बढोत्तरीसँगै हामीले रणनीतिक रूपमा इभी इकोसिस्टम बढाएका छौं। नेपालभर १८५ भन्दा बढी चार्जिङ स्टेसन, १६ भन्दा बढी सेवा केन्द्रहरू र २१ भन्दा बढी बिक्री आउटलेटको स्थापना यसको उदाहरण हो।

बढ्दो इभी बजारमा टाटा इभीले आफूलाई फरक रूपमा कसरी प्रस्तुत गरेको छ?
विद्युतीय गतिशीलतामा हाम्रो प्रवेशले भारतलाई अर्थपूर्ण गतिशीलताको भविष्यतर्फ अगाडि बढाउने उद्देश्य लिएको थियो। त्यही प्रतिबद्धताका हामी यो क्षेत्रमा प्रवेश गरेका थियौं । हाम्रो पहिलो विद्युतीय सवारी साधन टाटा इभीको सुरुवाती दिनमै भारतीय सडकहरूमा दुई लाखभन्दा बढी टाटा इभी गुडाइसकेको थियो। यसले हामीलाई भारतको सबैभन्दा ठूलो चारपांग्रे इभी निर्माताको रूपमा उभ्याएको थियो। हाम्रो यही सफलताले हामीलाई इभी उद्योगका अन्य कुनै प्रतिस्पर्धीभन्दा फरक रूपमा र अद्वितीय स्थितिमा उभ्याएको छ। यसबाहेक, ‘मुभ विथ मिनिङ’ अर्थात् ‘अर्थसहितको गति’ भन्ने मुख्य नारासहित हामीले हाम्रो ब्रान्डलाई अगाडि बढाएको छौं र यसको केन्द्रमा दिगोपना छ।

आफ्नै बृहत अनुभवबाट सिकाइलाई अगाडि बढाउँदै, टाटा इभीले लामो समयदेखिको साझेदार सिप्रदीसँग मिलेर नेपाली ग्राहकलाई अग्रणी उत्पादनहरू र बलियो इकोसिस्टम उपलब्ध गराउन सफल भएका छौं। यसलाई अझ सुदृढ पार्न प्रयासरत छौं। यस सन्दर्भमा ध्यान दिनुपर्ने पक्ष के हो भने हामीले ग्राहकको विविध रुचि र आवश्यकता पूरा गर्न गाडीको स्टाइल र मूल्य बिन्दुलाई फरक फरक पारेका छौं । उदाहरणका लागि सुरुवाती चरणमा अर्थात् इन्ट्री–ह्याचब्याक सेगमेन्टमा, व्यावहारिक डिजाइनसहितको हामीसँग २४ किलोवाट आवरको ब्याट्रीसहितको टियागो इभी छ। यसैगरी २५ र ३५ किलोवाट आवर ब्याट्रीमा पन्च इभी उपलब्ध छ र यो शहरी यात्राको लागि एक आदर्श विकल्प हो। यसैगरी ४५ किलोवाट आवर व्याट्रीको के–३ इभी लामो राजमार्ग यात्राको लागि उपयुक्त छ। उच्च ग्राउन्ड क्लियरेन्स भएका कारण यो नेपालको विविध भू–भागमा यात्रा गर्न सजिलो साधन बनेको छ।

अब आएर, हामी आफ्नै विशिष्ट विशेषतासहितको नयाँ संस्करण, कर्भ इभी सार्वजनिक गरेका छौं। ५५ किलोवाट आवर व्याट्रीसहितको यो गाडीको डिजाइन अत्यन्त आकर्षक छ र यो अफ रोड र लामो दूरीका लागि अर्काे विकल्प हो। सँगसँगै हामीले नेपालमा १६ भन्दा बढी समर्पित सेवा केन्द्र स्थापना गरेका छौं, ब्याट्री परिक्षण र पुनस्र्थापना सुविधा केन्द्र, इभी लर्निङ सेन्टर, देशभर १८५ भन्दा बढी द्रुत चार्जिङ स्टेसनको स्थापना र स्पेयर पार्टपुर्जाको सहज उपलब्धता सुनिश्चित गरेका छौं।

यस वर्ष टाटा इभीले पन्च इभी लन्च गरिसकेको छ, साथै निक्सन के–३–इभी, टियागो इभी सार्वजनिक गरिसकेको छ। यसैगरी नेपालमा कर्भ इभी पनि सार्वजनिक गर्ने तयारी छ। यसरी लगातार नयाँ मोडलको विकास र सार्वजनिक गर्नुपर्ने आवश्यकता किन छ?

हाम्रो उत्पादनहरूको विस्तृत पोर्टफोलियोको कारण यो उद्योगका कुल आयतनको ९० प्रतिशत हिस्सा लिन हामी सक्षम भएका छौं। जब हामीले २०२१ मा नेक्सन इभी प्राइम लन्च गर्यौं, त्यतिवेला देखि नै हामीले हाम्रो वितरक साझेदार सिप्रदी ट्रेडिङ प्रालिसँग रणनीतिक रूपमा काम साझेदारी गर्दै आएका छौं। यो साझेदारीले इभी इकोसिस्टम सुचारु राख्न र इभी गाडीको प्रयोगलाई आत्मसात गर्न सहयोग पुगेको छ। यसले आम उपभोक्तालाई द्रुत गतिमा इभी स्वीकार गर्न प्रेरित गरेको छ। गाडीको संख्यामा मात्र होइन, समग्र इकोसिस्टमलाई समानुपातिक रूपमा वृद्धि गर्न हामी सक्षम भएकाले हामी नेपालको सबैभन्दा ठुलो इभी इकोसिस्टम बनेका छौं। हाम्रो पोर्टफोलियोमा निकट भविष्यमा थप उत्पादनहरू थप्दै जाने क्रममा हामी आवश्यक पूर्वाधारलाई अझ सशक्त पार्ने तयारीमा छौं।

नेपाली बजारमा निक्सन के–३ इभी, टियागो इभी र आउँदो कर्भ इभीलाई तपाईं कसरी फरक हिसाबले प्रस्तुत गर्नुहुन्छ?
यी सबै उत्पादनहरू फरक बडी स्टाइलमा छन्। ग्राहकका फरक रुचि र आवश्यकता पूरा गर्न लक्ष्य राख्दछन्। उदाहरणको लागि, पहिलो पटक इभी गाडी क्रेताका लागि टियागो उपयुक्त हुन्छ। कहिलेकाहीँ लामो यात्रामा जाँदा समेत उपयुक्त हुने यो गाडी लगातारको सहरी यात्राको लागि उपयुक्त छ। यसैगरी इन्ट्रीलेभलको एन्ट्री–लेभल ह्याचब्याक र निरन्तरको सहरी यात्राका लागि नेक्सन के ३ इभी उपयुक्त छ। एक सय ९९ एमएम ग्राउन्ड क्लियरेन्स र ४५ किलोवाट आवर व्याट्री रहेको यो गाडी लामो ड्राइभ र अफ–रोड यात्राका लागि उपयुक्त छ। एसयुभी सेगमेन्टमा स्थायित्व खोज्ने ग्राहकको आवश्यकता यसले पूरा गर्दछ। यसैगरी कर्भ इभीले विलासिता, भव्यता र आरामदायक यात्रालाई सुनिश्चित गर्दछ ।

भारतमा कर्भ इभीले निकै लोकप्रियता हासिल गरिरहेको छ। के तपाईंलाई लाग्छ नेपाली बजारमा पनि यस्तै प्रभाव देखिनेछ?
कर्भ इभी प्रिमियम एसयुभी हो, यसले डिजाइन, विलासिता र भव्यतालाई संयोजन गर्दछ। विशिष्ट डिजाइन, उच्च ब्याट्री क्षमता, एकल चार्जमा लामो दूरी ड्राइभिङ गर्न सक्ने क्षमता र प्रिमियम सुविधाका कारण यसले भारतमा विशेष आकर्षण जगाएको हो। बालबालिका र वयस्कहरूको यात्राका लागि बिएनसिएपीले यो गाडीलाई फाइभ स्टार रेटिङ दिएको छ। यसले गर्दा यो भारतीय बजारमा सबैभन्दा सुरक्षित एसयुभीमध्ये एक बन्न सफल भएको छ। ११.६ एल फ्रन्कसहितको यो गाडीको बुट स्पेस ५०० एल छ। यसैगरी १२.३ इन्चको सिनेम्याटिक टचस्क्रिन र अत्याधुनिक साउन्ड सिस्टमले सुसज्जित यो गाडीले ड्राइभिङ अनुभवलाई अनुपम पार्दछ। यो ग्राहकको लागि एक महत्वाकांक्षी सवारी साधन बनेको छ। नेपालको विविध भूभागमा यात्राका लागि यो उच्च क्षमताको छ। ग्राहकको प्राथमिकता र रुचिमा आइरहेको बढ्दो परिवर्तनलाई यसले मुखरित गर्दछ।

नेपालका राजमार्गमा कर्भले कस्तो प्रदर्शन गर्ला ?
कर्भ इभीले नेपाली सडकमा आधिपात्य जमाउने अपेक्षा छ। यसको ठूलो व्याट्री क्षमता, प्रभावशाली ग्राउन्ड क्लियरेन्स, बलियो र आरामदायी सस्पेन्सन र उन्नत सुरक्षा सुविधाहरू यसका आधार हुन्। यी क्षमताहरूको साथ, कर्भ इभीले विलासी, शक्तिशाली र सुरक्षित ड्राइभिङ अनुभवको सुनिश्चत गर्ने छ।

टाटा इभीले ग्राहकको लागि बिक्रीपछिको सेवालाई कसरी सुनिश्चित गर्ने योजना बनाएको छ ?
नेपालमा सिप्रदी ट्रेडिङसँगको साझेदारीमा टाटाइभीले आफ्ना इभी ग्राहकलाई बिक्रीपछिको सेवालाई सशक्त पार्दै आएको छ। नेपालभर १६ भन्दा बढी इभीसेवा केन्द्रको स्थापनाले यसलाई सहज पारेको छ। यसैगरी, ब्याट्री डायग्नोस्टिक्स र पुनस्र्थापना सुविधा अर्काे आकर्षण हो। यसले ग्राहकको समय र पैसा बचत गर्छ। यसैगरी, हामीले नेपालमा पहिलो इभी लर्निङ सेन्टर स्थापना गरेर स्थानीय सिप विकासमा लगानी गरिरहेका छौं।