जनमतसँगको एकता प्रक्रियालाई अनुमोदन गर्दै नागरिक उन्मुक्ति, केन्द्रीय समिति बस्दै

जनमत पार्टीको केन्द्रीय समिति बैठक बस्दैछ। सम्भवतः यो बैठक नागरिक उन्मुक्तिको अन्तिम केन्द्रीय समिति बैठक हुनेछ।

नागरिक उन्मुक्ति पार्टीसँगको एकता प्रक्रियालाई अन्तिम रूप दिन बैठक बोलाएको नेताहरूले बताएका छन्। बैठक कमलादीमा रहेको प्रज्ञा भवनमा बस्नेछ। एकता प्रक्रिया अन्तिम चरणमा पुगेपछि नागरिक उन्मुक्तिले केन्द्रीय समिति बैठक बोलाएको हो।

जनमतका अध्यक्ष डा.सिके राउतका अनुसार दुई पार्टीबीच यहीँ बुधबार एकता घोषणा गर्ने तयारी छ। यसका लागि सम्पूर्ण तयारी र सहमति भइसकेको राउतले बताए।

सहमति अनुसार एकीकृत पार्टीको नाम जनमत पार्टी हुने र चुनाव चिह्न ढकिया रहने छ। केन्द्रीय अध्यक्षमा डा.राउत, संरक्षकमा रेशम चौधरी र सहअध्यक्षमा रञ्जिता श्रेष्ठ रहने सहमति बनेको छ। राउत जनमतका अध्यक्ष हुन् भने श्रेष्ठ नागरिक उन्मुक्तिको अध्यक्ष र चौधरी संरक्षक हुन्।

नयाँ पार्टीको केन्द्रीय समिति सात सय सदस्यीय र पदाधिकारी ५१ सदस्यीय रहनेछ। केन्द्रीय समिति, पदाधिकारी र अन्य समितिमा दुवै पार्टीबाट समान संख्यामा प्रतिनिधित्व रहनेछ।