राजवीर सेमिफाइनलमा

राजवीर प्रधानले जारी ११औं सिटिजन्स बैंक टेनिस प्रतियोगिताको पुरुष सिंगल्समा बुधबार सेमिफाइनलमा स्थान बनाएका छन्।

काठमाडौं जिल्ला टेनिस संघद्वारा आयोजित प्रतियोगितामा राजवीरले नेपाल नम्बर वान प्रदीप खड्कालाई ६–४ र ७–५ को सोझो सेटमा पराजित गरे। सोही स्पर्धामा आरभसम्राट हाडाले सक्षमविक्रम शाहलाई ६–२ र ६–१, निसान श्रेष्ठले प्रणव खनाललाई ४–६, ६–२ र ७–५ तथा निहालजंगबहादुर थापाले प्रितम परियारलाई ६–२ र ६–१ ले हराउँदै सेमिफाइनलमा प्रवेश गरे।

महिला सिंगल्समा अभिलाषा विष्टले समृद्धि महर्जनलाई ६–२ र ६–०, जेनी खड्काले प्रकृति श्रेष्ठलाई ६–२ र ६–०, आइशा डोल्कर लामाले कर्मिस्था नुगाह श्रेष्ठलाई ७–६ र ६–३ तथा स्वस्तिका विष्टले सुनीरा थापालाई ६–३, ३–६ र ७–६ ले पाखा लगाउँदै सेमिफाइनलमा पुगे।

काठमाडौं जिल्ला टेनिस संघद्वारा आयोजित प्रतियोगिताको भेट्रान ३५ वर्षमाथि पुरुष सिंगल्समा जितेन्द्र परियार, सीमान्त गुरुङ, भीष्मजंग गुरुङ र सन्तोष खत्रीले सेमिफाइनलमा स्थान सुरक्षित गरे। ४५ वर्षमाथि पुरुष डबल्समा कमलबहादुर भण्डारी र सुमित मैनालीको जोडीले डेगेन्द्र श्रेष्ठ र महेश श्रेष्ठको जोडीलाई ५–७, ६–३ र १०–७ ले पन्छाउँदै पहिलो भयो।

भेट्रान ६५ वर्षमाथि पुरुष सिंगल्समा भिक्टर राणा, ध्रुवबहादुर गुरुङ, उत्तम बोगटी र विमलकुमार गुरुङ सेमिफाइनलमा पुगे। ५५ वर्षमाथि पुरुष सिंगल्समा मनोजविक्रम शाह, चन्द्र शाही, कमलबहादुर भण्डारी र महेश श्रेष्ठले सेमिफाइनलमा स्थान बनाए।