पहलगाम आक्रमण : लेफ्टिनेन्ट विनय नरवालकी श्रीमतीले भनिन्- मुस्लिमहरूविरुद्ध नजानुहोस्

२२ अप्रिल २०२५ मा पहलगामको बैसरन उपत्यकामा २६ जनाको मृत्यु भएको थियो। यसमा भारतीय नौसेनाका लेफ्टिनेन्ट विनय नरवालको पनि मृत्यु भयो।

कर्नालमा रक्तदान गर्न आएकी लेफ्टिनेन्ट विनय नरवालकी श्रीमती हिमांशी नरवालले एएनआईसँग कुरा गर्दै भनिन्, 'हामी मानिसहरू मुस्लिम वा कश्मीरीहरूको विरुद्धमा जाओस् भन्ने चाहँदैनौं। हामी शान्ति चाहन्छौं र केवल शान्ति चाहन्छौं। अवश्य पनि, हामी न्याय चाहन्छौं, जसले गल्ती गरेका छन् उनीहरूलाई सजाय दिइनुपर्छ।'

यस अवसरमा पत्रकारहरूको प्रश्नको जवाफमा उनले आफूले पनि देशको सेवा गर्ने बाटो रोज्ने बताइन्।

भारतीय नौसेनाका २६ वर्षीय लेफ्टिनेन्ट विनय नरवालको विवाह अप्रिल १६ मा भएको थियो र उनको रिसेप्शन आक्रमणको चार दिनअघि अप्रिल १९ मा भएको थियो। उनी आफ्नी श्रीमती हिमांशी नरवालसँग बिदा मनाउन कश्मीर गएका थिए।

हरियाणाको कर्नाल जिल्लाका नरवाल दुई वर्षअघि मात्र नौसेनामा भर्ना भएका थिए। बी.टेक पूरा गरेपछि उनी भारतीय नौसेनामा भर्ना भएका थिए। एजेन्सी