त्रियुगा १३ को वडाध्यक्षमा कांग्रेस विजयी, मेयर उपमेरमा कांग्रेसै अघि

त्रियुगा नगरपालिका १३ को वडाध्यमा नेपाली कांग्रेसका उम्मेदवार विजयी भएका छन्। शुक्रबार बिहान घोषित नतिजा अनुसार कांग्रेसका नविनकुमार चौधरी ९ सय ६० मत प्राप्त विजयी भएका हुन्।

उनका निकटम प्रतिद्वन्दी नेकपा (एमाले)का राम कट्टेलले ९ सय २३ मत पाए भने नेकपा (एकीकृत समाजवादी) की पशुपति चौधरीलाई ३ सय ८१ मत मात्र परेको छ। निर्वाचन अधिकृतको कार्यालयले औपचारिक घोषणा गर्न बाँकी रहे पनि अन्तिम परिणाम भने आइसकेको गणनास्थलमा रहेका कांग्रेस प्रतिनिधिले जनाएका छन्।

उता वडा नं. ३, ४ र ५ को पनि गणना भइरहेको छ। ३ मा पनि कांग्रेसकै तिलक कटुवालले बाजी मारिसकेको पार्टीले जनाएको छ। बिहान ९ बजेसम्मको गणना परिणाम अनुसार कटुवालले ९ सय ४३ मत ल्याएर एमालेका उम्मेदवार धर्म तामाङलाई १ सय ८२ मतान्तरले पछि पारिरहेका छन्।

एकीकृत समाजवादीका अवधेशप्रसाद चौधरीले भने ४ सय ४० र राप्रपाका रामबहादुर श्रेष्ठले १ सय ३ मत पाइरहेका छन्। मेयरतर्फ कांग्रेसका बसन्त बस्नेत फराकिलो मतान्तरले अगाडि छन्। बस्नेतलाई ६ हजार २ सय २६ मत लिएर निकटन प्रतिद्वन्दी बलदेव चौधरीलाई ९ सय ५० मतले पछि पारिरहेका छन् भने एमालेका भागवत राउतभन्दा १ हजार ६ सय ३३ मतले अग्रता लिइरहेका छन्।

चौधरीलाई ५ हजार २ सय ७६ मत परिरहेको छ भने राउतले ४ हजार ६ सय ९३ मत पाइरहेका छन्। उपमेयरमा कांग्रेसकै अग्रता कायम छ भने एमाले दोस्रो र माओवादी केन्द्र तेस्रो स्थानमा छ। कांग्रेसकी सरिता राईले ५ हजार ६ सय ३१ मत पाइरहँदा एमालेकी महेश्वरी राईलाई ६ हजार २ सय ३० र माओवादीकी गीता खड्का कार्कीले ४ हजार ७९ मत पाइरहेकी छिन्।

३८ हजार ४ सय ५ मत खसेको त्रियुगामा १, २, ३ र १३, १४, १५ तथा १६ नं. को मत गणना सकिएको छ भने ४ र ५ को गणना भइरहेको छ। अब ६, ७, ८, ९, १०, ११ र १२ नं. को गन्न बाँकी छ। अहिलेसम्म १, ३ र १३ मा कांग्रेसले वडाध्यक्ष जित्दा १४, १५ र १६ मा माओवादी केन्द्र र २ नं. मा एमालेले वडाध्यक्ष जितेको छ।

हालसम्म १७ हजार ४ सय १४ मत मात्रगणना भइरहेको त्रियुगामा धेरै मत भएको गाईघाट क्षेत्रका ११, १२ र १० नं. वडाको गणना बाँकी रहेकाले मेयरमा नै कसले बाजी मार्छ भन्ने अनुमान गर्न गाह्रो छ।