डिपी अर्यालको नेतृत्वमा संसद्को पहिलो बैठक जारी

डिपी अर्यालको नेतृत्वमा संसद्को पहिलो बैठक सुरु भएको छ। प्रतिनिधि सभाको बैठक दिउँसो १ बजेदेखि संसद् भवनमा चलिरहेको छ।

सभामुखमा रास्वपाका उपसभापति तथा काठमाडौं-९ का सांसद डिपी अर्याल नियुक्त भएपछिको यो पहिलो बैठक हो ।

अर्यालले आजदेखि सभामुखका रुपमा संसद्‌मा काम गर्न थालेका छन्।

सभामुख अर्यालले आजै प्रतिनिधि सभामा प्रतिनिधित्व गर्ने दलका नेतासँग छलफल गरेका थिए । सभामुख चयन भएसँगै संसद्का आगामी कार्यसूचीलगायतका विषयमा अर्यालले सबै दलसँग छलफल गरेका हुन् ।

सर्वदलीय बैठकमा कार्यव्यवस्था परामर्श समिति गठन र प्रतिनिधि सभा नियमावली परिमार्जन समिति गठनबारे छलफलको योजना रहेको संसद् सचिवालयले जनाएको छ ।