छोराको कुटपिटबाट आमाको मृत्यु

भक्तपुर सूर्यविनायक नगरपालिका-९ भातेढिकुर चोकस्थित छोराको कुटपिटबाट आमाको मृत्यु भएको छ।

शुक्रबार साँझ करिब ०७:४५ बजे उदयपुरको कटारी नगरपालिका-५ घर भई हाल भातेढिकुर बस्दै आएकी ४० वर्षीया मेघिया चौधरीलाई उनका २४ वर्षीय छोरा किरण चौधरीले कुटपिट गरेका थिए।

गम्भीर घाइते भएकी चौधरीलाई सूर्यविनायक नगर अस्पतालमा सामान्य उपचारपछि थप उपचारका लागि वीर अस्पताल हुँदै पाटन अस्पताल पुर्‍याइएकी उनलाई राति ११:०० बजे चिकित्सकले मृत घोषणा गरेका हुन्।

घटनामा संलग्न मृतककै छोरा चौधरीलाई प्रहरीले नियन्त्रणमा लिइ थप अनुसन्धान गरिरहेको छ।