चार प्रदेशमा मेघगर्जनसहित वर्षा

देशका विभिन्न ठाउँमा मेघगर्जन, चट्याङसहित पानी परिरहेको मौसमविद्ले बताएका छन्।

हाल कोशी, बागमती र गण्डकी प्रदेशका थोरै तथा लुम्बिनी प्रदेशको एक-दुई ठाउँमा मेघगर्जन/चट्याङसहित मध्यमसम्मको पानी परिरहेको जल तथा मौसम विज्ञान विभागले जनाएको छ।

उक्त प्रणाली पूर्व सर्ने क्रममा रहेको र आसपासको क्षेत्रमा थप पानी पर्ने सम्भावना देखिएकोले आवश्यक सतर्कता अपनाउन विभाग अन्तर्गतको मौसम पूर्वानुमान महाशाखाले जनाएको छ।