प्रधानमन्त्री शाहका अनुसार अबको मुख्य प्राथमिकता संवैधानिक तथा कानुनी अधिकारहरूलाई प्रत्येक बालबालिकाको दैनिक जीवनमा वास्तविक अनुभूति गराउनु हो । यसका लागि संघ, प्रदेश र स्थानीय तहबिच प्रभावकारी समन्वय आवश्यक छ । संघले कानुनी र संस्थागत आधार सुदृढ बनाउने, प्रदेशले सेवा विस्तार गर्ने र स्थानीय तहले बालबालिकाको नजिकको सरकारका रूपमा जोखिम पहिचान गरी बालमैत्री वातावरण निर्माण गर्नुपर्नेमा उनले जोड दिएका छन् ।

४०० केभी न्यू बुटवल सबस्टेसनलाई नेपाल–भारत सीमासँग जोड्ने सीमापार प्रसारण लाइनको १८ किलोमिटर खण्डको निर्माण कार्य सम्पन्न भएको छ । एमसीसी नेपाल कम्प्याक्ट अन्तर्गत मिलेनियम च्यालेञ्ज एकाउण्ट नेपाल विकास समिति (एमसिए–नेपाल)ले उक्त कार्य सम्पन्न गरेको हो । विद्युत् सञ्जाल सुदृढीकरण र सीमापार विद्युत् सञ्जाल विस्तारका लागि नेपालको प्रयासका सन्दर्भमा महत्वपूर्ण उपलब्धि हासिल भएका एमसिए–नेपालले जनाएको छ ।

नेपाली काँग्रेसभित्र गगन थापा नेतृत्वको संस्थापन पक्ष र शेरबहादुर देउवाले नेतृत्व गरेको इतर पक्षको संघर्ष अझै चुलिएको छ । गगन थापाले केही लचकता देखाउँदै देउवा पक्षलाई पनि समेट्ने वातावरण निर्माण गर्न खोजेपनि ठोष सहमति नहुने देखिएपछि दुई पक्ष आ–आफ्नै ढंगले अघि बढिरहेका छन् ।