बिस्का जात्राको रमझम!

भक्तपुरको तमारी चोकबाट सुरु हुने बिस्का जात्रालाई मुख्यतः तीन वटा जात्राहरूको सांस्कृतिक सामञ्जस्यका रूपमा पाउन सकिन्छ; भक्तपुरको मुख्य दुई देवताहरू भैरवनाथ र भद्रकाली अजिमासँग जोडिएको भैलख जात्रा, पुरानो वर्षको बिदाइ र नयाँ वर्षको स्वागतार्थ ल्योसिन्द्यो उभ्याउने र ढाल्ने जात्रा र भक्तपुर नगरलाई तान्त्रिक सुरक्षा प्रदान गरिरहेका अष्टमात्रिका, भैरव र गणेशको खत जात्राहरू।