३ खर्बको डिजिटल साम्राज्य चलाउने नेपाली युवाको कथा

दिपेश कार्की दक्षिण एसियाकै सबभन्दा ठूलो डिजिटल पुँजी बजार 'लेनदेन क्लब' का सह-सञ्चालक हुन्। उनी भन्छन्, 'सबै मान्छे धनी परिवारमा जन्मिएको हुँदैन। सबैसँग आफ्नो सपना पूरा गर्न पुर्ख्यौली सम्पत्ति हुँदैन। त्यसैले जिन्दगीमा उँभो लाग्न केही न केही खुड्किलो टेक्नैपर्छ। कसै न कसैको हात थाम्नैपर्छ। आड लिनैपर्छ। ऋण भनेको पनि जिन्दगीमा उँभो लाग्नलाई चाहिने खुड्किलो नै हो।'