आइतबार नेप्से परिसूचक ५.९८ अंकले बढ्यो

काठमाडौं, वैशाख १४ । आइतबार नेप्से परिसूचक ५.९८ विन्दुले बढेर २६६४.०१ अंकमा आएको छ ।

आज १० अर्ब ८७ करोड रुपैयाँ भन्दा बढीको सेयर कारोबार भएको छ । सूचकसँगै कारोबार रकममा पनि क्रमशः तेजी आएको देखिन्छ । २ वटा कम्पनीमा सकारात्मक सर्किट लागेको छ भने एउटामा नकारात्मक सर्किट लागेको छ । ७ वटा समूहका सूचक बढेका छन् ।

आज ३ सय १४ कम्पनीको २ करोड ८४ लाखभन्दा बढी कित्ता सेयर कारोबार भएको छ । ८६ करोड रुपैयाँभन्दा बढीसहित कारोबार रकममा ङादी ग्रुप पावर अग्रस्थानमा छ ।

यसैगरी, दोस्रो र तेस्रो स्थानमा क्रमशः एनआरएन इन्फ्रास्ट्रक्चर एन्ड डेभलपमेन्ट कम्पनी र राधी विद्युत कम्पनी परेका छन् ।