लोकेश्वर साकोसमा नयाँ सदस्यका लागि शिक्षा शिविर सम्पन्न

भक्तपुर, पुस २५ । लोकेश्वर बचत तथा ऋण सहकारी संस्था लि.को शिक्षा तथा बचत उप–समितिको आयोजनामा नयाँ सदस्यका लागि शिक्षा शिविर सम्पन्न भएको छ।

कार्यक्रममा संस्थाका उपाध्यक्ष प्रनेश बाटीले सहकारीको अवस्था, सञ्चालन प्रक्रिया र बचत तथा ऋण सम्बन्धी विषयमा जानकारी दिएका थिए। साथै सहकारीमा कारोबार गर्नु अघि संस्था र व्यवस्थापनबारे बुझ्नुपर्ने आवश्यकता औंल्याइयो। संस्थाले गर्दै आएका आर्थिक कारोबारसँगै सामाजिक उत्तरदायित्व र सीपमूलक तालिमका गतिविधिबारे पनि जानकारी गराइएको थियो।

शिक्षा तथा बचत उप–समितिका संयोजक कृष्णराम तुकंबन्जारले शिक्षा शिविरले सदस्य र संस्था बीचको अन्तरसम्बन्ध मजबुत बनाउने बताए। कार्यक्रममा संस्थाका प्रबन्धक प्रशान्त मानन्धरले २१औँ स्थापना दिवसको अवसरमा पुस मसान्तसम्म निःशुल्क सदस्यता वितरण भइरहेको जानकारी दिए।