क्षतिपूर्तिबापत पाँच लाख रुपैयाँ दिएपछि भीरबाट टेम्पो खसालेको घटना साम्य

काठमाडौँ, असार १० । कैलालीको गोदावरीमा वन अतिक्रमण हटाउने अभियानका क्रममा भीरबाट टेम्पो फालिएको घटना साम्य भएको छ।

टेम्पो फाल्ने कार्यमा संलग्न वन कर्मचारीले टेम्पोमा सामान बिक्री गर्दै आएकी धनादेवी धामीलाई क्षतिपूर्ति रकम दिएपछि विवाद टुंगिएको हो।

वनका कर्मचारीले उनलाई क्षतिपूर्तिबापत पाँच लाख रुपैयाँ दिएका छन्। धनादेवीले क्षतिपूर्ति पाएसँगै कैलाली प्रहरीको हिरासतमा रहेका सब-डिभिजन वन कार्यालय अत्तरियाका वरिष्ठ डिभिजन वन अधिकृत कृष्णबहादुर बोहरा र वन रक्षक चेतराज फूलारा पनि थुनामुक्त भएका छन्।

जिल्ला प्रशासन कार्यालयले उनीहरुलाई ७-७ हजार धरौटीमा छाडेको छ।