नेपालमै रोबोटिक्स प्रविधि विकास गर्न कोष स्थापना: विपद् व्यवस्थापन, खोज-उद्धारका लागि रोबोट बनाउने लक्ष्य

काठमाडौं-रोबोटिक्स एसोसिएसन अफ नेपाल (र्‍यान) ले रोबोटिक्स र अत्याधुनिक प्रविधिको अनुसन्धान तथा विकासमा लगानी गर्न ‘रोबोटिक्स टेक्नोलोजी डेभलपमेन्ट फन्ड’ (आटीडीएफ) स्थापना गरेको घोषणा गरेको छ । यो फन्डले विपद् जोखिम न्यूनीकरण, जलवायु परिवर्तनका प्रभावसँग जुध्न, पर्यटन प्रवर्द्धन तथा नेपालको कठिन भौगोलिक अवस्थाका लागि आवश्यक रोबोटिक्स र प्रविधिको विकासमा लगानी गर्नेछ । नेपाल बाढी, पहिरो, भूकम्प, हिमपहिरोलगायत प्राकृतिक तथा जलवायुजन्य विपद्को उच्च जोखिममा रहेकाले उद्धार तथा राहतमा मात्र केन्द्रित नभई पूर्वतय...